Su coro est fattu cun precisos progettos,
organu essentziale trainante,
guai ti firmes un’istante
ca su corpus t’accusat cun difettos.
Intro de te abitan sos affettos
de sas cosas chi tue ses amante,
intro de te abitan sos segretos,
sos chi ti renden deliriante,
intro de te abitan sos amores
a segundu su naturale istintu
chi tue as inserradu e custodidu.
Medas t’an cantadu e t’an dispintu
e t’ana in poesia definidu
su bacinu infinidu de sos rancores.
