Osserrva cun sa massima attentzione
s’omine fratimadore ignorante,
ca est rinnegadu in ogn’istante
e non biet ne intendet rejone,
postu dae su dimoniu in tentatzione
e a su Deus onnipotente isfidante.

Ma pro mancantza de bonu sentimentu
gherrat cun s’abba e cun su ’entu.

S’omine at su brutale difettu
chi sa Natura l’at devidu dare,
ma si Deus deviat cundannare
ogni fizu chi no est perfettu
s’umanidade distruiat a dispettu
ma Issu non la cheret annientare,
ca Deus est sapiente e giustu,
non bocchit pro diospettu ne pro gustu.