O paesanos de sa ’idda mia,
e proite non faghides sa lotta
contra a custa mala genìa?

Troppu sun sos giudas iscariotta,
non podes pro custu rimediare:
ite si faghet pro una pagnotta!

Non b’at nisciunu prontu a aggiudare
pro si leare s’opera donosa
o onzi die de poder tribagliare.

Si nde rien cun cara indignosa,
non dana perunu assistimentu
a cara de brunzu e linnosa.

Lassende a tie Desulu in turmentu
sos fizios si che andana de gai
pensende de chircare alimentu…