De sos massajos amus sos ammentos
de cand’incunzaian sos laores.
Issos araban in atonzu cuntentos
ghttande surcos riccos de umores.

Poi in beranu pulian attentos
su trigu in erva dae malos fiores
pro ponner a s’incunza cun assentos
mannuccios bellos, frutt”e sos suores.

Tando fin tempos alligros e sanos
e a s’incunza si faghiat festa
cando s’spiga donabat sos ranos.

Oe argiola su luttu manifesta’
ca sas levas chi no an pilos canos
ateros grillos giughen in sa testa.

Ma si lanzos connoschen sos manzanos,
e boida agattan sa cesta,
torren a giungher sos boes ispanos.