Ca nat Deus «Non tocchedas Cainu»
como est de moda in su mundu crudele
chi pagos prangan s’innotzente Abele,
totus cheren salvare s’assassinu.

Pro Cainu si chircat sa manera
chi non si disisperet si l’arrestan,
parentes e amigos già si prestan
in modu chi che l’oghen de galera.

Sa famiglia d’Abele est in fastizos
a bortas finas in netzessidade,
ma nemos paret tenzat piedade
de babbu e mama, ne fiuda o fizos.

Duncas vivimus su tristu momentu
chi de Cainu binchet su partidu
ca benit azudadu e assistidu,
mancari cun su fintu pentimentu.