“Messaggeru” totus t’amus amore,
abbonados nd’as baranta miza,
a su pensamentu su coro si alliza’
comente alliza’ ognia fiore.

Sa lontanantza ponet dolore,
unu male chi nemos lu disiza’,
nostalgia, lontanantza, mama chiza
sun, e afligin ognia emigradore.

Su logu sou ognunu amentat
ca sunu tottus de su parrer meu,
e devet esser su giustu ammissibile.

A mie jà mi paret impossibile:
po chi neren chi in dogni logu bi est Deu
non bi nd’at unu chi non si lamentet.