S’istajone de su cineforum sardu sighet martis 5 de Martzu a sas 7 de sero in sa sea de S’Assòtziu de sos sardos. Sa segunda pellìcula programmada est Roba da Matti, de Enrico Pizzianti, chi contat s’istòria di Casamatta, una residèntzia sòtziu-assistentziale in Cuartu Sant’Aleni (Sardigna), in ue bivent oto pessones cun discumbènios mentales. Casamatta est un’istrutura in ue, cun s’agiudu costante de sos operadores, si bivet una vida normale in una domo ispetziale. Un’istrutura cunsiderada avantzada in su panorama italianu e mundiale, unu logu inche pessones cun patimentos mentales podent torra punnare a si fraigare una vida.
A dolu mannu sa domo, pustis de 17 annos de atividade, arriscat de deper serrare. S’assòtziu chi la gestionat non renesset prus a pònnere fronte a sos gastos, su cuntratu de allogu est acanta de iscadire, e su propietàriu non lu cheret renoare. Est unu momentu dificultosu, ma Gisella, presidenta de s’assòtziu Asarp Casamatta e sorre de uno de sos istràngios, est una fèmina corriatza. Sustènnida dae sos àteros familiares, parat fronte a sos barrancos e est firmamente detzisa a agatare una solutzione.
Una pellìcula chi faghet lughe a subra de realidades fatu fatu tropu incòmoda a contare.
Cunsiderada sa cumplessidade de sos argumentos tratados, at a istèrrere s’adòbiu su psichiatra Andrea Murru chi at a agiudare s’ispetadore a achirire una cussièntzia majore a pitzus de custos temas.
Bos abetamus in meda martis 5 de Martzu a sas 19 oras, in Carrer del Bisbe Laguarda 9 !
Marcati in s'eventu Facebook.
Regia: Enrico Pizzianti
Durada: 80 minutos