GLI AUGURI “STAGIONATI”
Quando si avvicina la fine dell’anno i nostri poeti trovano la giusta vena e si siedono a scrivere per inviare ancora una volta un messaggio fraterno: gli auguri per il Natale e il nuovo anno. Molte volte le composizioni arrivano al giornale quando questa pagina è stata già chiusa, non rimane che conservarle per l’anno successivo. Le poesia che compaiono ora hanno tutte un anno o più di età.
In qualche caso il riferimento alla data precisa non c’era, o è stato tolto; in qualche caso è rimasto, come in quella di Angelo Dessì il quale, ironia della sorte, si augurava che col 2009 potesse avere fine la crisi: e invece stava appena iniziando!
Ma siamo convinti che gli auguri, anche se stagionati dal trascorrere del tempo, restino sempre validi; e con piena convinzione uniamo i nostri, a tutti i lettori e gli amici del giornale.
NOTTE ’E NADALE
Suta unu mare ’e fozas de broccadu
e de milli licanzos fruttos d’oro
so ispettende chi nasca’ su Messia.
Subra sas nues
s’isteddu ’e chenadolzu
curre’ su palu chin sos istentales
e una traessera luna conchi cana
’esti’ de arcanu terra e mare.
E accò chi atesu nodidas campanas
annuntzian chi es’ nadu su Messia
e unu lughidu isteddu coi longu
mustrat una grutta abbandonada.
Curret Andria chin Nanni ei sos amigos,
curren pastores de onzi palte e logu,
curren binzatteris e oltulanos
e curro eo puru chin muzere mia…
Mario Campus
ARIA DI NATALE
Dicembre avanza; un ricordo infiamma,
quando nell'aria si avverte il Natale,
così ogni anno un un rimorso banale
mi ripercuote come fosse un dramma.
Seppur nel pensiero l'innocenza prevale,
sulla mancanza che la mente richiama,
per ritrovarci insieme con papà e mamma,
promessa e desiderio rimasti ancora tale.
Il tempo passa con le gioie e i dolori,
nella lontananza che accresce il valore
di quanto avuto dai miei cari genitori.
Aria di Natale: si inneggia all'amore,
clima di gran festa con luci e colori
e promesse mancate che toccano il cuore.
Carmelo Lindiri
SODDU E GOSU
Torrende ses Nadale virtudosu
a forrojare in dogni sentimentu,
prommitende serenu ogni cuntentu
pro aer in sa vida soddu e gosu.
E tue, cabuannu amantiosu,
pones in arte su mantessi intentu,
nende: «Atesu che siat ogni turmentu,
pasu sa gherra epat e reposu.
«S’òmine a s’ater’òmine siat frade,
tratade su limbazu de su mele,
isperas mannas in santas vizìlias».
In cust’isetu restan sas famìlias,
ma, poi, torran sas limbas de su fele
e, in sas intragnas, sa malignidade.
Tando, cun bonidade,
auguràmunnos, coghende s’arrustu,
pro peus, s’annu, mezus chei custu.
Salvatore Patatu
COMENTE UNU FRADE
Sos augurios ti mandat Pietrinu
po sa festa de su santu Nadale,
ti chelzo bene comente unu frade
mancari chi non semus avvicinu
po nos buffare calchi tatza de’inu,
de cuddu de bona calidade,
cannonau o puru vermentinu,
po sa festa de Gesu Bambinu.
Pietrino Canu
ANNOS CHENTU
Cun boche limpida e serena
canto s’arrivu de su Messia.
Oe custa die est piena
d’isperantzia fraterna e allegria,
Gesusu cun sa sua sinfonia
at riscatadu s’anima terrena.
Auguro oe a donzi cristianu
chi vivat custa die annos chentu,
in lumene de su Msssia felice e sanu.
In custa die nodida e festosa
in donzi domo bi appat allegria
in lumene de su benennidu Messia.
Gaspare Mele
IN PENSAMENTU
A sos sardos emigrados solamente
fago custa modesta poesia,
ca fizos de sa terra ’ostra e mia
semus emigrados in donzi continente.
E sos chi che son atesu veramente
cussos an ancora prus nostalgia
ca non poden viaggiare frecuente
pro visitare sa terra nadia.
Caros frades e sorres chi sezis lontanu
bos naro chi bos tenzo in pensamentu
comente chi bos connosca de abberu.
E tramite custu Sardu Messaggeru
isprimo custu meu semtimentu
a donzunu istringhende sa manu.
Berteddu Craba
SU BOE LANZU
Benennidu du duamiza e noe,
m’inchino e ti rendo unu saludu.
E su mundu interu lu includu
chi cust’annu nde apat bonu proe.
Ca su passadu fit lanzu su boe,
ispozadu de pulpa e mesu nudu,
a calchi santu invoco s’azudu
chi sa calamidade fin’a oe,
ponzende in motu sa manu terrena
cun s’azudu ’e Gesusu e Maria
lu podides calmare cust’affannu.
Podides segare sa cadena
de custa brutta infame carestia,
gasi tottus godimus su bon’annu.
Angelo Dessì
IL DESTINO MALVAGIO
Ho visto anch’io
una stella cadente
brillare nel cielo,
ed ho pensato a quella
che duemila anni fa
annunciava il Natale:
c’erano gli angeli in coro
ad annunciare la pace.
Ora quegli angeli
non cantano più,
ora s’odono violenze
e venti di guerra,
e tu Bambino bello piangi
pensando al destino malvagio
degli uomini d’oggi.
Aurelio Floris
SA PAGHE DE SOS GIUSTOS
Isperamus siet tranquillu e serenu,
chi trascurrat sentza odios ne trambustos,
e chi siet a dogn’essere terrenu
apagadu de totu sos gustos.
Regnet sa paghe in totu sos giustos
sentza odios rancores ne velenu,
de su male cantzelle’ sa piaghe
e in su munnu chi regne’ sa paghe.
Sos politicos chi lassene sas puntiglias
de si fagher sa gherra pari pari
cun perdida de tempus e de ’inari
totu a dannu de sas poberas famiglias;
chi lassen de preigare meraviglias,
collaborare chi potan totu paris
e cumprendan cale sun sos vantagios
de su populu alleviare sos disagios.
Frantziscu Ledda