Sa die colada 18 de Onniasantu unu tziclone at atropelliadu sa Sardigna, lassende·si in palas dannos incalculàbiles e cajonende sa morte de 17 persones.
S’Assòtziu de sos Sardos in Catalugna, paris cun s’Assòtziu AltraItalia, s’Assòtziu Cose di Amilcare e cun su Zibaldone - Radio Contrabanda 91.4 FM, s'Associació de Músics Metròpolis e s'apoju de s'Assòtziu +39, ammaniat un’eventu de solidariedade, chi sos balàngios s’ant a intregare pro sa recostrutzione e donados a siendas e famìlias vìtimas de su disacatu.
Sàbadu 7 de su Mese de Idas moende dae sas 5 de a merie in su tzentru sòtziu-culturale Sant Pere Apòstol, Carrer de Sant Pere Més Alt 25, sa generosidade de medas artistas dae meda alas de su mundu ant a animare un’ispetàculu chi at a intretènnere mannos e pipios. Un’atòbiu intre teatru, tzircu, dantza, pintura e mùsica pro torrare s’ispera a sa Terra nostra ferta. S’acontèssia est aparitzada in su matessi tempus cun sas tzitades de Londra e Bruxelles. Sos fundos regortos s’ant a donare dae sas tres delegatziones in sas festas de Pasca de Nadale a un’assòtziu chi òperat in su territòriu. Intrada: 5€ (de badas pro minores de 12 annos). Consumatziones: 1.5€
PROGRAMMA
Dae sas 17:
Celso y Frana (Echilìbrios acrobàticos); Cecilia canta y cuenta y el libreto… ¡lo pone usted! Cecilia Bellorín (Cabaret); Elena Schisano, Silvia Mancha, Sandra Herrera: "Ready" (Dantza contemporànea i Flamenco); Teatro Stabile de Barcelona (Teatru).
Dae sas 20.30 (Música): Rusó Sala e Caterinangela Fadda; Adele Madau; Dinatatak.
Su programma previdit fintzas: Espositziones de sos pintores Vero Cendoya, Iñaki Bellver, Cristina Zanchetta.
Intretenimentu pro sos pipios cun sa trucadora Andrea Achinte e sos pallontzinos de Laura&Manel
Loteria cun prèmios ofertos dae s'Assòtziu de sos Sardos.