Sabato 5 aprile alle 18, nel circolo dei sardi di Barcellona, “Addòbios pro resonare de sa sotziedade sarda de oe”.

Sos sardos chi bivimus foras de Sardigna pensamus semper a sa terra nostra. Mancari semus mòvidos pro cambiare àera o pro tènnere carchi possibilidade in prus de sas chi b'at in s'ìsula, sende gasi tenimus semper sa Sardigna in conca e cherimus cumprèndere comente est sa situatzione, pro ite est gasi, si est cambiende carchi cosa e ite podimus fàghere dae inoghe, fintzas pro s'esperièntzia chi tenimus de sa sotziedade chi nos at retzidu, sa sorre nostra Catalogna.

Tando semus ammaniende unos addòbios in ue nos informamus e faeddamus de chistiones medas: economìa, polìtica, famìllia, cultura, festas e totu su chi nos pàrgiat importante pro cumprèndere sa situatzione sarda e pesare sa visione de Sardigna chi cherimus.

Primu de sos addòbios: s'economia in Sardigna: cale isvilupu?

• Katjuscia Mattu: Benevènnida e presentada.
• Francesco Mureddu: Sas polìticas de isvilupu in Sardigna e in Gal·les.
• Rejonos intro de totus.

E pro acabare in bellesa, aperitivu e ballos sardos!