Pro festare “Sa Die de sa Sardigna”, domìnica 27 de abrile, S'Assotziu de Sos Sardos in Catalogna oferit una die a ghennas a bertas pro torrare a iscobèrrere sas festas e sas usàntzias de s’ìsula.

Amus a cumentzare a mesudie cun unu cursu de coghina pro imparare a ammaniare sos malloreddos, e luego nos los amus a papare a s’ora e pràndere (14.30). At a costare petzi 5 euros pro sos sòtzios e 8 euros pro sos àteros (cun tèssera sòtziu in donu!).

A sas 4 de merie Jacu Floris at a ispricare s’istòria de uve benit custa “Die de Sa Sardigna”.

A sas 4.30 de merie amus a abbaidare su curtumetràgiu “Sos Mortos de Alos”, de Daniele Atzeni: s’arribada de sa “modernidade” e su disacatu contados a sa moda de “Fiaba Noir”.

Luego amus a presentare su progetu “Deu Seu Sardu” de Chiara Sulis, cun sa mustra fotogràfica de sos personàgios, ammaniada de Caterina Pulina.

A sas 6 de merie at a cumentzare su cursu de ballu sardu, in uve amus a imparare e ballare totus paris ballos sardos traditzionales.

E tando bos cumbidamus a totus a: S’Assotziu de Sos Sardos in Catalogna, in Carrer Bisbe Laguarda n.9, Barcelona - de mesudie de su 27 de abrile de su 2014.