Antiga terra inghiriada dae su mare;
accaretzada de su fluttu de sas undas..
sa forza de sos bentos ti consumada...
...frastagliada e ricama sas costeras,
formas ti dada, e su tempus ti modellada,
istella de su mare sempre bella.
S'Istoria millenaria in sa rena intúzzasa
e in sas perdas abbojas su faeddu;
túrras antigas de Sardigna meraviglia,
de sos nuraghes sa zenia istimas.
Medas misteros in memoria incunzas;
deo bardiare ti devo cun rispettu.
Paassadu b'á nemigos de d'onzia trettu,
versadu arritzolos de d'onzia sambene;
Brutales violenzias ti ana infertu,
assortios male chena semenes
Soberana terra inie t'an difesu,
mai su sardu a su tirannu si este arresu.
Su carattere e sos monte chi asa,
Pianuras, badhese e planartzas;
Deus t'ada crefidu de goi pintare,
sa forma de s'omine s'arrasta;
comente perda in su riu po saddiare,
riferimentu in su mediterraneu mare.
Terra in su mundu fentomada,
arrichida, conquistada e maltrattada
campagnas e montagnas cun sos suos colores.
Omines in paghe e conquistadores,
arrizzidos cun s'istessu pregiu:
dulche terra, fertile e ospitale.
Donzi perda inie pode faeddare:
chi serret cuiles o innalzada Nuraghes;
in domos antigas, pilastros e de granitu colúnnas
tragáda de rios o postas a cuntza;
chingh'inghiriat sos saltos, tancasa o tumbas,
chi sian quadradas mannas o tundasa..
(medas 'istoria de racontare.)
bardiana de arcanos universales
ses tue Sardigna terra de amare.
Barolus Viginti (Bonarcantu)