Pro su de bator chentenàrios dae sa morte de Miguel de Cervantes, su 21 de Maju a is 20 in su Tzentru Tzìvicu Drassanes - Carrer Nou de la Rambla 43 - amus a presentare  “Don Chisciote de sa Màntzia”: una de is òperas de prus importu de sa literadura ispanniola e internazionale, tradúida in sardu dae Gianni Muroni.
Sa domo editora est Condaghes, chi cuntzentrat s’atividade sua in sa tradutzione in sardu ufitiziale de is clàssicos de sa literadura.
S’eventu non previdet petzi una letura de s’òpera. Introdùida dae Giacomo Serreli, Elio Turno Arthemalle nd’at a lèghere is passos de prus importu, acumpangiados dae is nodas de Frantziscu Medda Arrogalla. Giuseppe Corongiu de su Coordinamentu pro su Sardu Ufitziale at a tancare sa presentada.
Bos abetamus!