Assòtziu de sos Sardos in Catalugna presenta una trilogia de eventos pro afortire una borta de prus su ligàmene intre Sardigna e Catalugna, in particulare cun s'Alighera, intre mùsica e literadura. Est su chi at a tènnere logu is dies 20, 21 e 22 imbenientes de su mese de Làmpadas in Bartzellona. Lunis 20 a is 7 de sero in su Saló del Vigatà de su Palau Moja (Portaferrissa 1), cunferèntzia de s'istòricu Aldo Sari «Art Català a Sardenya i l'Alguer», e presentada de s'ùrtima regorta de poemas de s'iscritore Guido Sari, «Els ocells màgics i Preludis, simfonies i impromptus». Patrotzinadu dae s'Agència Catalana del Patrimoni Cultural e su Consell Nacional de la Cultura i dels Arts.
Martis 21 a is 10 de sero in s'Absenta del Raval (Pes de la Palla 5), sa cantautora Claudia Crabuzza, acumpangiada dae sa ghitarra de Caterinangela Fadda, presentat su discu nou suo "Com un soldat". Unu biàgiu iscritu e contadu in aligheresu peri sa vida de una fèmina-mama-cumbatente.
https://www.facebook.com/events/1766853233601416/
Su mèrcuris 22 a is 7 de sero in s'Auditori de Vilaweb (Ferlandina 43), Joan-Elies Adell presentat su libru suo "Guia sentimental de l'L'Alguer". Su libru nos oferit su chi is ghias turìsticas e is fògios informativos no nos ant a pòdere contare mai: is incantos cuados, is testimòngios de is abitantes, is regordos acapiados a una traditzione culturale e gastronòmica comuna o is imàgines prus ecisadoras de unu logu in ue is cadalanos de ponente s'agatant semper comente in domo issoro. Custa ghia oferit unu biàgiu apassionadu peri s'Alighera de eris e de oe.
https://www.facebook.com/events/795132710623909/