Su 27 de Ghennàrgiu a sas 8 de sero, in s’Assòtziu de Sos Sardos in Catalugna - carrer del Bisbe Laguarda 9 Barcelona - amus a presentare "S'acontèssida istrana de Dr. Jekyll e Sr. Hyde", bortadu dae s'inglesu a su sardu dae Càrminu Pintore.
Nd'ant a arresonare Andrea Crisponi, cumpangiu de universidade e amigu corale de su tradutore, e Càrminu Pintore paris chin totus sos chi ant a bòlere pigare parte a su chistionu.
Amus a chistionare de s'òpera e de Stevenson, de sa bortadura de sos capos de òpera de sa literadura mundiale in limbas minorizadas, de esperièntzias, problemas e solutziones chi pertocant sa tradutzione.
