Su imbeniente 29 de Cabudanni, a sas 20:00, S’Assòtziu de Sos Sardos in Catalugna - Carrer del Bisbe Laguarda 9 Barcelona, Paolo Putzu, enòfilu, nos at a introduire in su mundu de sos Binos Biancos Sardos.
Su tastamentu chi bos amus a propònnere at a abarcare 3 tipos diferentes de binu biancu, de calidade arta, prodùidu in Sardigna: 1) Granatza, Famìlia Orro; 2) Vermentinu de Gaddura, Chentina Li Duni; 3) Granatza - Chentina Sedilesu
Binos cun grandu personalidade chi t’ant a contare de sa terra nostra, de su mare nostru, de sas passiones nostras. Binos chi ammajant e cunchistant amantiosos berdaderos.
Un’òmine chi bibet petzi abba tenet unu segretu a cuare a sos àteros, naraiat unu tzertu Charles Baudelaire… e tue, no as a tènnere carchi cosa de nos cuare, no, beru?!
NB: su tastu de binos, cun aperitivu inclùidu, at a costare 10€ pro sos sotzios, 20€ pro non sotzios. Pro informatziones e prenotatziones, iscrìere a: Questo indirizzo email è protetto dagli spambots. E' necessario abilitare JavaScript per vederlo.
Nùmeru limitadu.