Domìnigu 6 de Maju, dae sas 11:00, pro totu sa die, in sa sea de s'Assòtziu de Sos Sardos in Catalugna nch'amus a reunire pro tzelebrare sa Die de sa Sardigna!
Fintzas ocannu t'amus a propònnere unu programma ampru, mantenende sas ghennas de su tzìrculu abertas pro totu sa die. Amus a fàghere unu cursu de coghina sarda (Malloreddus), unu pràngiu sotziale, una presentada de s’atividade de s'assòtziu. Amus a projetare unos cantos curtumetràgios, deretu dae su Skepto International Film Festival. B'ant a àere ballos e cantos. Pro sos prus minores b'at a àere sa letura de sos contos de Antonio Gramsci: S'àrbore de s'eritzu.
Programma:
Oras 11:00: fainas pro sos pipios
Oras 11:30: 1h de Malloreddus /preparatzione pasta frisca
Oras 14:00: Pràngiu sotziale, pro totus sos sotzios: bibitas 1€, pratu 2€. Non sotzios: 10€ tèssera.
Oras 16:00 a sas 17:00: Assemblea ue at a bènnere ispricada sa faina de s'assòtziu
Oras 17:00 a sas 18:00: Skepto Film Festival
Oras 18:00: ballos e cantos
Proclamatzione de is binchidores de su Cuncursu Fotogràficu
Serrada a sas 21:00 e bona note!
Bos isetamus pro festare cun nois Sa Die de Sa Sardigna!
