Sa proposta pro custu adòbiu previdet unu de sos pratos prus connotos de s'ìsula, sa Frègula. Una pasta chi podet ammentare su cous cous, fata de sìmbula e abba. Su segundu pratu, Spìtzulus, est unu pratu tìpicu de Orroli, famadu fintzas pro unu de sos cumplessos nuràgicos prus importantes de sa Sardigna: Su Nuraghe Arrùbiu.
Organizatzione de su cursu de coghina: adoviamus sàbadu 06 de Santugaine a sas 11, cun su davantale personale cun sa pasta frisca giai pronta, su cursu s'at a cuntzentrare in sa traballadura de sa pasta e totu una bia modellados sos aneddos e sa frègula… si coghinat e totus a mesa!
Su cursu est a nùmeru cungiadu, max. 10 persones. Reserva como su logu tuo iscriende a Questo indirizzo email è protetto dagli spambots. E' necessario abilitare JavaScript per vederlo.
Su prètziu totale de su cursu est de 20€ pro sos sòtzios, 27€ pro sos non sòtzios. Abba inclùdida, e un’àtera bèvida.