Pinuccio Giudice Marras, l'eredità di memorie culturali collettive
Il poeta Pinuccio Giudice Marras (Bono 1924 - Macomer 2010), autore di tre raccolte – Sonnios de lugura, Nuoro, 1986; Lampizos de assulenu, Nuoro, 2002 e Lughes de coro, edita da Domus de Janas, con il “contivizu de Paulu Pillonca”, nell'aprile del 2010 – si è caratterizzato per componimenti in rima e una poetica personale in cui ha saputo fissare il proprio vissuto interiore e l'autenticità di voce identitaria.
Prediligendo i moduli della sestina, quartina, e qualificandosi soprattutto tra i più abili e competenti nella creazione di pregevoli sonetos, ha conquistato e ritagliato, per diversi decenni, un ruolo distintivo nei concorsi letterari sardi.
Giudice Marras, nell'affermare cultura, radici e appartenenza, ha saputo interpretare e custodire la memoria collettiva in uno scrigno poetico estetico-creativo e di sentimenti etici di pura umanità; la poesia è stata arte esaltata e irrobustita “con fatica e sudore”, per idealità di bene e pace, sempre considerando fede nella “bella poesia” da esprimere in “versos affinados chin abbilidade e maestria”.
Tutto il lavorio poetico naviga sui sentieri della vita e ne fissa sensazioni e sentimenti con estremo realismo, mettendo a frutto l'osservazione, l'esperienza e le profonde meditate riflessioni; si susseguono inevitabili tutte le trame esistenziali e la ricerca emozionale dei contenuti tematici di memoria comunitaria e di radice familiare.
La ricca ed ampia produzione lirica di Giudice Marras, considerato dai tanti estimatori e da diversi critici tra i massimi esponenti della poesia rimata a taulinu in lingua sarda, si lega in modo viscerale alle problematiche specifiche della Sardegna e ne è voce d'amore e memoria civile di riscatto umano, espresso e coltivato concretamente, in ambito lavorativo nel settore delle ferrovie, con l'impegno sindacale.
I versi rispecchiano l'anima e la luce del cuore che dialoga in sentimenti di pura umanità, proponendo verità di vita con stile efficacie e nel segno della scrittura letteraria in limba. Con sensibilità unica, e profonda partecipata delicatezza, ha cantato gli affetti; i paesaggi sardi come alto senso e simboli di appartenenza, sottolineandone la vitale necessità di custodire e salvaguardare la completezza degli elementi culturali e tradizionali dell'Isola.
Pinuccio Giudice Marras è vissuto principalmente a Macomer, dove si era trasferito giovanissimo da Bono per svolgere la professione di ferroviere. L’istinto e passione lirica, coltivata con abilità nella poesia in rima, gli viene dal ceppo materno dei Marras. Determinante nel formativo percorso poetico l'appartenenza alla radicata tradizione familiare goceanina, rappresentata dagli zii Remundhu e Mario e dal noto cugino Pietrino (1925-1979), poeta e romanziere.
Le raccolte di Giudice Marras rappresentano testimonianze e pienezza di vita, rivelano un vissuto individuale che è eredità di storia e memoria della cultura umana collettiva. Un messaggio universale di poesia radicato nell'essenza personale e dal valore identitario di versi “limati con abilità e maestria” di cuore.
Il poeta è ricordato a Macomer come “fine narratore delle cose della vita” e “uomo di impegno” che, nella sua produttiva officina poetica, ha saputo rappresentare “i sentimenti di tutti con il canto più antico della nostra lingua”.
GENTILE DISPEDIDA
In custu ch'est pro me nòdid' 'eranu,
chin s'ànimu cummossu bos saludo;
ma si permittides non revùdo
de m' 'ider dispedidu in tonu uffànu!...
Lasso s'impreu 'e sa “ferrada via”,
ue che bèntu 'olados sun trint'annos,
ue c'han dadu 'orta chena dannos
sos tempos bellos de sa vida mia.
Ue che seberados tenzo amigos
chi ammiro e collòco in alta chima,
mèntras pro chie m'hat mustrad'istima,
riservo riguàrdos e obblìgos.
A sos fedàles mios canto sunu
indirizzo gentiles pensamentos,
augurende chi vivan cuntentos
fin'a chent'annos chen'ancu perunu.
A sos collègas e superiores
chi m'han sempr' 'ene 'idu e apprezzadu,
lis prego sorte... happendem'iscusadu
si chena chèrrer happo fattu errores.
A custa 'idda flòrida e antiga,
a parentes de varia zenìa,
a cantos devo sensu 'e cortesia
reconnoschente so chin boghe amiga.
A sos amados famigliares mios
chi cunservan de me 'jos ammentos,
dedico chin profundos sentimentos:
affettos caros in custos adìos...
Ringraziende a tottu, reverente
artzo devotu sos ògros a Chelu,
nendel'a Dèus chin ardente anèlu:
“sa pensione rèndemi accogliente”...
dèndemi a longu... Benedissione!...
SU CASTEDDU 'E SA COSTERA
Otto seculos rizzu...e a donz'ora
isfidende sos bèntos e traschìas,
custu Casteddu che ùntu 'e majas,
trampat su tempus... resistende ancora.
Sa Feudale famosa dimora,
teatru antigu 'e gherra e tirannìas;
hoe, nidu 'e còrvos e istrìas
cùat s'umbra 'e s'altera Eleonora.
M'appàrid in s'isprigu 'e sa memoria
che tuveddu 'e untùrzos 'entri mannos
de su pègus cadìdu ispurpadores...
Ca tand'e como, in su surcu 'e s'istoria,
triùnfan violensia e ingannos...
e s'assimìzan... sos Guvernadores!
BADDE PEDROSA
In d'un' 'adde pedrosa, a car'a mare,
sutta pasidas umbras m'ingaleno;
in tanta paghe sa mente assereno
e m'est dulche recreu... sonniare.
Sas chigulas chi tirrian continu,
m'ischidan, cando su 'entu lenu.
pro me s'accordat, che limbazu amenu,
cun s'allegru murmuttu 'e su trainu.
Est punt' 'e sole... e da-e sas alturas,
he su cuccu, de sos buscos fittianu,
truncat de s' 'adde sa mùtria grave.
Muen sas abes fattu 'e sas dulcuras
e mi sonat sa festa 'e su 'eranu;
tonos de una lirica suave.
AMMIRENDE SU SOLE
Daghi su sole miro, 'oghende cara
ruja che fogu in s'atta 'e s'orizonte,
penso e m'incanto nende: ecco sa fonte
ch'inundat s'universu 'e lughe crara.
Ecco, sa pius bezza 'ja lumera,
chi cunfortat sa terra 'ue l'ischidat,
chi sa vida alimentat e guìdat
dae sos altos pàdros de s'aèra.
In sos tramontos,chin tristos colores,
prima chi ùmbras de sero fàlen,
pàret ch'abbortas m'intrèghet sa luna.
E medas nottes, isettende albòres...
chirco intr' 'e sònnos, Fàdas chi regalen
soles de oro... chi m''atten fortuna...!
LAMPIZOS D'ASSULENU
Lampizos d'assulenu, chi m'affranzan,
mi dan ranzas de gosu e potto intesser
tramas de rimas; chin s'ispera d'esser
che poeta ue issas m'accumpanzan.
Cando sa janna 'e sa mente m'iscanzan,
bessin sos pessos mios, pro resesser
a lerar' 'olu, chena ch'isvanesser
ue sos bentos de solitu istranzan.
Si chin filos de 'oghe ancas mi rezen,
bramo chi medas sigan a m'intender
fintzas si fados pagu mi protezen.
No biso laros, ne amo pretender
bantos pro su ch'iscrio; e si lu lezen,
lampizos d'assulenu... cherzo azzender.
CHIRCO PASU...
Chirco pasu in tottue e m'accumpanzan
'ideas chi sa mente m'assussegan.
Istolas de sentidos no mi negan
bramas ch'in coro meu s'apposentan;
sos lamizos de sole mi caentan
in àndalas de lughe chi m'affranzan.
Chirco pasu in ampàros, mentras crèschen
sas curreras de dies ch'ispampàrrian
ogros a tempos mios; chi mi àrrian
ganas pro ch'intre in su secolu nou;
pro ch'assumancu in isse agate a prou
ranzas de sorte chi no s'incruèschen.
Isco chi non solu sutta infados
in sa fazza 'e sa terra; inue a ch'esser
'alet sempre sa pena... pro resesser
a s''ider biu tra tulus chi fiorin.
Isco chi tantos benes s'isvalorin,
no duran che marengos in siddados.
A bortas penso, in sèmidas d'anneu,
a carch'ispina chi costas mi punghet.
Accò chi tando sa forza m'azunghet
ardores pro jampare 'addes fungudas;
e chene pasu in ispundas de recreu.
Chirco pasu in muìzos de sos bentos
chi mi nìnnan in brazzos de sa notte;
e chirco pasu in bisos pro chi potte
viver d'ammàjos in mudos de oro.
Custas pagas durcuras ch'assaboro
mi dan briu che linfas de sustentos.
E sigo andare, andare a donz'ora,
lassende s'umbra ch'iscuru mi 'ettat,
ca semper bia paret chi m'isettat,
s'ispera chi m'imbèrriat che fada;
pro ch'in s''ena 'e sa vida illacanada
in àndalas de lughe passe ancora.
SARDIGNA: DERIS E HOE
Che unu lidu d'albòres amènos,
brìllas hoe che deris, terra mia,
esposta a donzi ’entu ’e tribulìa,
ma digna ’e orizontes... prùs serenos.
In sos “quadros” de sa tua istoria
bi distingo Nuraghes millenarios,
meres intrusos e... feudatarios ...,
lùghes e umbras d’epoca antigoria.
Sardigna ’e deris ... cantas tirannìas
che ambisùas ... than suttu sas venas!!
Cantu che perla, pro ’ulas anzenas ...
tis allettante chin sièndas bìas!
Tando, de mandras carcas sa funtana
fis, tue, ricca ’e buscos e pasturas:
fis giardinu de fruttos e colturas,
camp’ ’e filare e tesser linu e lana.
Ti ses mustrada bànzigu ’e talentos,
ffiama d'eroes, de zente ospitale,
arca ’e limbazos d'arte geniale,
meritosa de lòdes e ammentos.
Hoe, ses un’incantu in sas marinas
ses fiera “Autonoma Cussurza”,
ma ses puru un’arcana paschidorza,
tuddìda ’e sequestros e rapinas.
M’iscurigat su coro pro ch’abbundas
de lìnfas de tristura in sas campagnas,
inue fogos, traschìas, siccagnas,
t’agghèjan sas piàes già profundas.
Sutta s’arcu ’e “s’Industria e progressu”
ti dàn turmentos sos disoccupados,
e t’aggiunghen sos Sardos emigrados
’alanzos d’amargura in donzi èssu.
Sas nòas vias ... “Prèndas de valore”,
chi has hoe che grazias lobradas,
non ti lùghen che tùlas lentoradas
nè che andèras de paghe e amore!
Mèdas, però, in cust’era moderna,
t’ ’ìden che nidu ’e bramas e isperas,
e chèren creere ... chi nò resulteras
destinada a “Colonia eterna”!
