“Barolias in tempus de olia”

-Cantu ses bella, amada mia, cantu ses bella-

iscrittu puru d'ada Dante

In sos canticos de sos cantos;

s'ispiritu soave,

anima sospirosa,

reina de eleganza

Cantu ses bella...

Innoghe du fazzo presente,

intonada ti da cantas:

ispiraziones de un'istante,

in momentos de allerghia,

sas dentes tuos biancas,

sos ojos isplendentes .

Ca D'ada iscrittu Dante,

e non fuit delirante, nende,

Sese opera de Deus,

de sanos sentimentos

bellasa ninfa laudada

in tuttus sos momentos,

iscultura modellada ...

de sa natura su rittratu

 de sa manu divina,

de s'omine su costatzu,

sa segunda de unu fiancu;

sa frisca rosa intumida ...

Custu este su cantu de sos cantos,

rosa chena ispinas,

lagrimas amorosas,

non si siccan mai sas fotzas,

Rosa chi cheret boddida

de lughe radiosa colorida

Candu osservo su passu

fiore chi faghes fruttu,

rosa frisca in birde pitzinnia,

tue sirena mi hasa attratu

cun sa tua tzenia

Cantu ses bella amada mia ...

chi connosches su caminu,

armoniosa bellesa

 disegnu divinu,

puru unu iscrittu d'amentada

in su testamentu antigu.

tue chi isches puite ses naschida,

creatura disegnada

chi rinnovasa sa vida;

 sa matta proibida

de su dimoniu tentada...

tentazione maledida

Deus t'ha perdonada,

e non ti nega sa grazia,

divina innamorada,

matrona de justitzia

in donzi contrada.

Sa mela malaita.

Sa prova chi separada

su bene cun su male,

chi ada rendiu mortale

totta s'umanidade;

de su serpenta amaliada;

luna de su sole illuminada.

Istupenda torrada s'aurora,

ei sa die cun su tempus si che colada;

su relotzu contende sa oras,

sentidu chi ti apassionada

amore chi si rinnovada ancora,

dontzia peccau perdonada..

Cantu ses bella amada mia,

 cantu ses bella;

Barolus Viginti (Bonarcantu)

S’eterna ninnia

S’eterna ninnia

A ninnare a  ninnia

Su cantu c’apo in coro,

 est pro te prenda mia

 S’anima nd’apo in gherra,

Su  coro meu in dolu

Como  in  custa terra,

Prus no  agato   consolu!

 Inue ses   fiza mia

Ses che  càndidu lizu,

Cun Deus e cun Maria

Drommis sena fastizu!

Prestu  t’ant a ischidare

Sete trumbas de oro,

Che ànghelu as a bolare

In cumpanzia issoro!

A  sete  caddos  de inie

Deus   at dadu  permissu,

de che giughere a tie

A su chelu prommissu!

A ninnare a ninnia,

Drommida s’est Lucia

In sas  baddes fioridas

Pro s’eterna ninnia!

am.sechi/ 9aout..30 ans déjà!

custa ninnia, iscrita pro Lucia, custa prenda de fiza chi nos at lassadu 30 annos faghet,in su fiores su 'eranu sou, teniat 21 annu. Narant chi su tempus appagada ma sa perdida de una fiza o fizu non b'at tempus chi appagat su dolore, mi mancat comente sa prima die e m'at a mancare semper. custa ninnia l'apo cuminzada cando m'est mancada ma solu ocannu so ressessida a la cumprire, no est in sa natura de sas cosas chi babbos e mamas ch'interrent sos fizos.

Ironia e buon senso nella poesia di Antoni Cubeddu

 Molteplici sono i motivi per cui Ozieri può ben essere considerata la ‘capitale’ della poesia

Su mundhu de sa poesia de Cristoforo Puddu - Ottobre 2015

 L’impegno civile nei contributi lirici di autori sardi

 

Apriamo la pagina mensile di poesie con i

Su mundhu de sa poesia de Cristoforo Puddu - Novembre 2015

 Poesie di commemorazione e per l’oltre

 

A novembre, ricorrendo la Commemorazione dei defunti, ded

Vallonia...

Biddas e baddes de Vallònia

pintu bos apo in s’ànima mia,

Cun sos còlores de s’arcu pàradu

in  coro meu bos apo pintadu!

Terra ‘e carvone e de minìeras

in s’istradone a camineras,

Atartzu e ferru in fonderias

a manos prenas oros tènias !

Su popùleddu fieru e cùntentu

francos aiat a ogni mamentu,

 Traballaiat sa note e-i su die

 a sole, abba, bentu, gelu e nie!

Che benèita dae sa manu santa

prospera e ricca fias totaganta,

Cun maèstria e arte operende

s’Europa noa dae s’ou naschende!

Ma pagu a pagu, annu cun annu

a frunda ruta ses in s’ingannu,

A su progressu, tzegas ti ses dada

como ses tue terra sinistrada!

Globalitzaztione de s’econòmia,

sas alas t’at truncadu e s’energia!

Sa moneda noa, ohi ite dannu,

colpidu t’at tropu a mannu!

Disoccùpados in ogni carrela,

semus vìvende tempos de galera !

Totus chirchende carchi fàina,

 s’agatat solu misèria e rùina!

Terra prommissa fias tot’in bolu

 nuda ses oe, sena consolu !

Mira ch’est ora de t’ischìdare,

est tempus bella de resussitare !

 am.sechi