Alluvione Sardegna: Mutos de fele

 Mutos de fele.2

In mizas de pabilos

iscritu b'an doveres

pro su fiore pistu.

In mizas de pabilos...

Ammentos - dal Belgio

Cand’ ammentos de sa vida mia
Sa mente giughent bolende
In su tempus meu de pitzinnia !
Ancora deo m’ido impastende, 
Terra gretza cun s’abba chi ‘attia,
E a mama ido appamentende !
Onzi fossu de s’unicu aposentu
De sa nuda terra chenza cimentu!

Sos muros rutzones che grota,
Poderaiant sa etza cobertura!
Color’e pighe dae su fumu cotta,
Dae su fogu in terr’a pasadura!
In cuss’istantzia sa familia totta,
Pariat issa vivende in sepoltura!
Pro chi sa lughe potere bintrare,
Sa janna aberta depimis lassare!

In d’unu muru una janna b’aiat,
Dae sa mer’e domo affrisciada!
Po cuare sos porcos chi teniat,
Indaisegus de sa janna serrada!
Dae  cue in s’aposentu colaiat,
S’urina de sos porcos profumada!
In cuss’istantzia niedda che tittone,
No b’aimis mancu unu barcone!
am.sechi – Charleroi (Belgio)

SANTANDRIA

Comente essera in su mudu dolore

de su ‘entosu Cuventu de Illorai

– ue m’est ammentu su passadu –

apo saludadu sos Mannos mios

in su nitzu ‘e neula

de su Campusantu padanu de Siziano.

In sas losas de sos Chiesa Pavesi

apo agatadu sos matessi mortos mios.

In cussas de sos Mellani e Astori

apo pregadu pro sos Puddu Gessa

cun sos Dore e Mameli

ligados dae unu frutu cumpridu.

Dae sa corona ‘e rù de su Cristos

po acraradu de frades s’esisténtzia.

Cristoforo Puddu

Le Poesie del mese di Febbraio 2013

IL CUORE PER IL GIORNALE

La pagina di oggi fa spazio all’argomento di questa stagione, il carnevale (Vacca e Mele), si sofferma brevemente sul fascino del sogno (Floris e Paba), ma si concentra soprattutto sull’affetto e il senso di gratitudine che legano i lettori sparsi in tutto il mondo al “Messaggero Sardo”. 

CARRASEGARE

Su carrasegare lu canto cuntentu

po aer bidu un’iscena paesana,

ricreat sa gente giovana e antziana,

T’ispozas in fogu

Atitadores

inferchidos de disania

t'ana ninnadu

cun pantàsimas de callabbia,                  

candho tue, Sardigna,

iscorada dae rughes de ’irgonza,

t'ispozaias in fogu

e in ispidos de farivari,

bantzigada dae tzarras

a s'irmurinada.

Dilliriada ’e calura,

chígulas memulosas

t'istudan sos disizos illacanados,

lumeras de sa note

ti tinghen su niedhu ’e lugore

…e no est festa!

Cun tzinnos mudos

de disamistade,

fintzas sa luna si cuat

a túmulos de chisina

e a canateris de presorzu

chi dae s'umbra

aunzan feridas mai cazadas.

Ischerfiada ’e isconsolu,

insambenada ’e amarguras,

t'ispozas in fogu

isetendhe

tràvigos e iscracàllios d’eranu.

Cristoforo Puddu

Le Poesie del mese di Dicembre 2012

GLI AUGURI “STAGIONATI”

Quando si avvicina la fine dell’anno i nostri poeti trovano la giusta vena e si siedono a scrivere per inviare ancora una volta un messaggio fraterno: gli auguri per il Natale e il nuovo anno. Molte volte le composizioni arrivano al giornale quando questa pagina è stata già chiusa, non rimane che conservarle per l’anno successivo. Le poesia che compaiono ora hanno tutte un anno o più di età.