Benvenuto nel Sito dell`Associazione Culturale Messaggero Sardo
O paesanos de sa ’idda mia,
e proite non faghides sa lotta
contra a custa mala genìa?
Troppu sun sos giudas iscariotta,
non podes pro custu rimediare:
ite si faghet pro una pagnotta!
Osserrva cun sa massima attentzione
s’omine fratimadore ignorante,
ca est rinnegadu in ogn’istante
e non biet ne intendet rejone,
postu dae su dimoniu in tentatzione
e a su Deus onnipotente isfidante.
S’ira assassina de s’omine vile
chi distruttu as buscos e pastura,
ignorante e de bascia cultura,
barbaru, odiosu e incivile.
Su coro est fattu cun precisos progettos,
organu essentziale trainante,
guai ti firmes un’istante
ca su corpus t’accusat cun difettos.
Su disumanu a trampas e congiuras
a comintzare in su clero de sos preides,
manovras de sos ricos e usuras
mentre in su sonnu faghe chi t’ischides.